A I Exposición de Camelias do Parque de Montealegre, en Ourense,  celebrarase os días 4 e 5 de febreiro. Abrirá as súas portas o sábado ás 12:00 horas e ata as 18:00 horas. O domingo estará aberta ao público de 10:00 a 18:00 horas. O botánico de Montealegre acollerá a case unha trintena de expositores chegados de toda Galicia, Asturias e o Norte de Portugal.

Ademáis da mostra, impartiranse dous obradoiros relacionados coa camelia: “Camelia en mosaico”, que se desenvolverá o sábado 4, de 16:00 a 18:00 horas e o domingo de 11:00 a 13:00 horas, e “Camelia en esmaltado”, o domingo día 5 de 11:00 a 14:00 horas.

O límite de participantes por cada obradoiro é de 12 alumnos. As persoas interesadas poden inscribirse chamando ao número de teléfono 667415164.