O artista Daniel Río Ruibal, coñecido como Caxigueiro, é o artífice deste espazo singular. Está formado por un edificio que acolle exposicións temporais e unha zona verde de 3.500 metros cadrados.  O xardín conta cunha interesante colección de especies botánicas, destacando camelias e hortensias de diferentes variedades. Aínda que o propio xardín sexa unha obra de arte por si mesmo, a presenza do feito artístico acentúase cando o percorremos e descubrimos, pouco a pouco, outras intervencións escultóricas que o enriquecen.

Como nota a ter en conta, a 200 metros do Espazo Caritel atopamos a Basílica de San Martiño de Mondoñedo.