No seu xardín, de 7 ha de superficie, podemos gozar de multitude de sensacións acompañadas dunha copa de viño albariño ou unha cunca de té de camelia. Xunto a estas, as especies vexetais (nobres buxos centenarios, un extraordinario Pinus pinea, así como Araucarias brasiliensis, Aesculus hippocastanum, Magnolia grandiflora…) e os diferentes elementos ornamentais crean unha combinación que destaca pola súa espontaneidade. Así, o percorrido polos seus carreiros experiméntase como un paseo embriagador, pero sen necesidade de que se impoña un sentido concreto. A mirada do visitante desprázase entre os seus distintos ambientes sen que resulte opresivo, revalorizando así a esencia do lugar.

Horario de visitas

Necesaria cita previa

Prezo de entrada

A partir de 8€/persoa