O de Padrón é un dos xardíns botánicos máis antigos de España. Conta xa con referencias en documentos datados cara a 1869. Rolda a hectárea de superficie e alberga ata 300 especies vexetais de diversa procedencia. O xardín divídese en catro zonas: a alameda, o parterre, o xardín do Apóstolo Santiago e a zona de servizos. O parterre é de planta rectangular e está enmarcado por dúas avenidas de plátanos de sombra. Neste xardín podemos contemplar varios exemplares de árbores senlleiras de Galicia, a árbore do amor ou coroa de Cristo, a palmeira de Senegal, as secuoias Macias Ou Namorado ou a denominada como  Rosalía de Castro, por exemplo.

Árbores Senlleiras

• Castaño de indias, Aesculus hippocastanum L.
• «Coroa de Cristo», Cercis siliquastrum L.
• Carballo Fastixiado, Quercus robur L. Fastigiata
• Secuoias Vermellas, Sequoia sempervirens (D. Don) Endl.
• Palmeira do Senegal, Phoenix reclinata Jacq.

Horario de visitas

09:00 a 22:00

Precio de entrada

GRATUITO